Tealiveគឺជាឈ្មោះហាងតែគុជដ៏ល្បីដែលកំពុងពេ ញនិយមហើយមានវត្តមាននៅខាងអ៊ឺរ៉ុបនិងអាស៊ីផងដែរ។កញ្ញា សុខ ពិសីបានបញ្ជាក់ថាបច្ចុ ប្បន្នហាងតែគុជTealive Cambodia310បានលេចវត្តមាននៅលើទឹកដីប្រទេសកម្ពុជាហើយ។
អតិថិជនដែលពុំទាន់បានភ្លក្សរសជាតិដ៏ឆ្ងាញ់របស់ Tealive ឬចង់ផ្លាស់ប្តូររសជាតិតែគជ់ថ្មី អាចកម្មង់បានឥលូវនេះដោយងាយៗ រហ័សទាន់ចិត្ត អាចជ្រើសរើសរសជាតិតែគជ់តាមតម្រូវការបាន តាមរយៈ App៖ Nham24 ឬ Food Panda ឬ E-get Tealive Cambodia 310 ឬក៏អាចអញ្ជើញមកហាង Tealive Cambodia 310 ដោយផ្ទាល់ ដែលមានទីតាំងស្ថិតនៅផ្លូវ ៣១០ កែងផ្លូវ ៩៥ ភូមិ៧ សង្កាត់បឹងកេងកង៣ ខណ្ឌបឹងកេងកង រាជធានីភ្នំពេញ។
ថ្មីនេះ កញ្ញា សុខ ពិសី ក៏បានបើកហាងថ្មីមួយទៀតកាលពីថ្ងៃទី១៨ ខែវិច្ឆិកា ឆ្នាំ២០២២ ដែលមានទីតាំងនៅច្រមុះជ្រូកស្ទឹងមានជ័យ។
កញ្ញា សុខ ពិសី ធានាថារសជាតិតែគជ់ពីហាងកញ្ញា គឺឆ្ងាញ់ជាប់មាត់ ត្រូវចិត្តដូចជាបានភ្លក្សរសជាតិដើមនៃតែគជ់របស់ហាងTealive នៅក្រៅប្រទេសអ៊ីចឹងដែរ។
លោកអ្នកអាចទំនាក់ទំនងតាមរយៈទូរស័ព្ទលេខ: 081 896 111 ឬអាចកម្មង់តាមរយៈ App៖ Nham24 និង E-get។
* អំពីប្រវត្តិសង្ខេបនិងការសិក្សា
កញ្ញា សុខ ពិសី កើតនៅថ្ងៃទី១៩ ខែធ្នូ ឆ្នាំ១៩៩០ នៅក្រុងតាខ្មៅ ខេត្តកណ្ដាល។ ម្ដាយឈ្មោះ រស់ សុគន្ធារី។ មានបងប្អូនបីនាក់ (ប្រុស២ ស្រី១) ហើយនាងជាកូនទីពីរ។ សុខ ពិសី មានកម្ពស់១៦៦សង់ទីម៉ែត្រ និងមានទម្ងន់ជាមធ្យម៥០គីឡូក្រាម។ សុខ ពិសី បានបញ្ចប់ការសិក្សាថ្នាក់បាក់ឌុបក្នុងឆ្នាំ២០០៨។
* អំពីស្នាដៃក្នុងវិស័យសិល្បៈ
សុខ ពិសី មានចំណូលចិត្តចម្រៀងតាំងតែពីកុមារ ហើយដោយសារតែចង់ក្លាយជាតារាចម្រៀងនៅវ័យ១៧ឆ្នាំ យុវតី សុខ ពិសី ក៏បានចូលខ្លួនមកហាត់ច្រៀងនៅក្នុងក្លិបសិល្បៈមួយកន្លែងក្នុងក្រុងភ្នំពេញ។ ដោយមើលឃើញថានាងមានទេពកោសល្យល្អលើវិស័យនេះ កញ្ញា ពិសី បានឈានជើងចូលផលិតកម្ម KH ដែលជាផលិតកម្មទី១របស់កញ្ញានៅក្នុងឆ្នាំ២០០៥។
លុះនៅឆ្នាំ២០០៧ តារាចម្រៀងដែលមានឈ្មោះល្បីរួចជាស្រេចនៅ KH ក៏បានប្តូរទ្រនំទៅកាន់ផលិតកម្ម Nice Star ទាំងមិនទាន់បានបញ្ចប់កុងត្រាជាមួយផលិតកម្ម KH។ សុខ ពិសី បន្សល់នូវបទពិរោះៗជាច្រើនបទក្នុងផលិតកម្មដំបូងនេះ។
ដោយការព្យាយាម និងខំប្រឹងប្រែងលើវិស័យមួយនេះមិនរាថយនៅឆ្នាំ២០០៨ តារាចម្រៀង សុខ ពិសី ក៏បានក្លាយជាតារាចម្រៀងរបស់ផលិតកម្មសាន់ដេ រហូតមកដល់សព្វថ្ងៃនេះហើយកំពុងក្រសោបបានភាពល្បីល្បាញយ៉ាងខ្លាំងផងដែរ។ ពីមួយថ្ងៃទៅមួយថ្ងៃ ពីមួយឆ្នាំទៅមួយឆ្នាំ សុខ ពិសី បានបង្កើនទឹកដមសម្លេង និងធ្វើឲ្យតំលៃខ្លួនក្លាយជាគ្រាប់ពេជ្ររបស់ផលិតកម្ម សានដេ។
កញ្ញា សុខ ពិសី ជាតារាចម្រៀងមួយដួង ដែរបានឈរជើងលើផលិតកម្ម សាន់ដេនេះមិនដែលងាករេម្ដងណាឡើយ បានបន្សល់បទចម្រៀងពិរោះៗជាច្រើនបទ ដូចជា «សុខសប្បាយទេសង្សារចាស់» «លះបង់» «ស្នេហាខ្ញុំមានអ្នកទីបី» ជាពិសេស «យប់នេះខ្ញុំសេដ» «ផ្លូវកម្ម» «ខ្វេះភ្នែកអូនទៅ!» ជាដើម។ និងមានច្រៀងឆ្លើយឆ្លងជាមួយ នាយចើម លោក ខេមរៈ លោក ឆៃ វីរៈយុទ្ធ ជាច្រើនបទទៀត។
* អំពីទម្លាប់ និងចំណង់ចំណូលចិត្ត
កញ្ញា សុខ ពិសី ទម្លាប់លេង Instagram (IG) ជាងលេង Facebook ដែល IG របស់នាងមានអ្នក Follower ប្រមាណជាជិត 700K ។ កញ្ញា សុខ ពិសី កម្រចេញក្រៅម្នាក់ឯងណាស់ លើកលែងតែចេញទៅសាលារៀន។ ពេលចេញក្រៅមានតែទៅកន្លែងថតចម្រៀង កម្មវិធីមិត្តភ័ក្រ ហើយនិយមបើកដោយឡានខ្លួនឯង។ កញ្ញាចូលចិត្តញាំទឹកគ្រឿង និងនំបញ្ចុកសម្លរខ្មែរ។ កញ្ញាមិននិយមញាំភេជ្ជៈមានជាតិស្រវឹង និយមញាំទឹកផ្លែឈើ និងទឹកសុទ្ធ។ និយមហាត់ប្រាណនៅផ្ទះដោយមាន ឧបករណ៍ហាត់ប្រាណផ្ទាល់។ ឯសម្លៀកបំពាក់សំដែងលើឆាកភាគច្រើនឆ្នៃដោយខ្លួនឯងមានជាងកាត់ដេរប្រចាំខ្លូន និងទិញតាមហាងម្តងម្កាល។
ចំណែកសម្លៀកបំពាក់ក្នុងសង្គមបែបប្រពៃណីទម្លាប់រើសក្រណាត់ និងចេញម៉ូដដោយកញ្ញាផ្ទាល់ និងកាត់ដេរដោយជាងប្រចាំខ្លួន។ និយមគ្រឿងអលង្កាមាសនិងពេជ្រ តែមិននិយមទំហំធំៗទេ។ ចូលចិត្តលេងសើចជាមួយក្រុមការងារ និងពេលចេញក្រៅតែងស្វាគមន៍អ្នកគាំទ្រជានិច្ច៕
