ជាមួយនឹងភាពស្រស់ស្អាត និងទេពកោសល្យសម្តែងរបស់នាង គង់ ចាន់ស្រីមុំ មិនត្រឹមតែត្រូវបានបោះឆ្នោតជាតារាសិចស៊ីដោយប្រជាជនកម្ពុជាប៉ុណ្ណោះទេ សូម្បីតែគេហទំព័រវៀតណាម ក៏ត្រូវបានគេបោះឆ្នោតឱ្យជាប់ជាតារាសិចស៊ី និងចុះផ្សាយខ្ចរខ្ចាយផងដែរថា នាងសមនឹងទទួលតំណែងជាតារាសិចស៊ី និងស្រស់ស្អាតនៅក្នុងប្រទេសកម្ពុជា ។
ថ្មីៗនេះតារាសម្តែងវ័យ៣៣ឆ្នាំ សម្បុរ.សស្អាត កញ្ញា គង់ ចាន់ស្រីមុំ បានធ្វើដំណើរកម្សាន្ដទៅប្រទេសជប៉ុនជាមួយគ្រួសារផង ដោយឃើញការតែងខ្លួនប្លែក ថតរូបប្លែកៗរហូត ។
គង់ ចាន់ស្រីមុំ ដែលត្រូវបានគេលើកជាតារាសិចស៊ី និងស្រស់ស្អាតនោះ ការពិតគឺគង់ ចាន់ស្រីមុំ ជាតារាសម័យទំនើបលេងខ្លួនសិចស៊ីពិតប្រាកដមែន ដោយនាងតុបតែងខ្លួនបែបស៊ីវីល័យស្ទើរតែគ្រប់កម្មវិធី ដូចជាការប្រើសម្ភារទាន់សម័យ ប្រើសម្លៀកបំពាក់វៀលដើមទ្រូង ស្តែងឱ្យឃើញនូវភាពទាក់ទាញ និងការតុបតែងមុខបែបសិចស៊ី ដែលជាប្រការជួយឱ្យនាងលើកសម្ផស្សស្រស់ស្អាត ។ ទោះបីជាក្នុងថ្ងៃធម្មតាក៏ដោយ គង់ ចាន់ស្រីមុំ តែងតែរៀបចំខ្លួនបែបស៊ីវិល័យ ហើយនាងចូលចិត្តប្រើផលិតផលណាដែលមានម៉ាកល្បីៗគេនិយមប្រើ ។
តារាម៉ូដែលសិចស៊ីចូលចិត្តលេងសាច់ទ្រូងទាក់ទាញ គង់ ចាន់ស្រីមុំ កើតនៅថ្ងៃទី៦ កក្កដា ឆ្នាំ១៩៩០ មានដើមកំណើតក្នុងទីក្រុងភ្នំពេញ បានចូលប្រឡូកក្នុងវិស័យសិល្បៈឆ្នាំ២០០៧ ខណៈដែលនាងបានជាប់ជា Freshie Girl ។ ដោយសារតែសម្រស់ និងរូបរាងដ៏ស្រឡូនលាយឡំនឹងសមត្ថភាពដ៏ប៉ិនប្រសប់បានធ្វើឱ្យស្រីស្អាត គង់ ចាន់ស្រីមុំ មានឱកាសថតខ្សែភាពយន្តជាច្រើនបន្តបន្ទាប់គ្នាធ្វើឱ្យកេរ្តិ៍ឈ្មោះរបស់នាងកាន់តែទទួលស្គាល់ពីទស្សនិកជន ។ មិនត្រឹមតែជាតារាសម្តែងដែលមានឈ្មោះបោះសំឡេងប៉ុណ្ណោះទេ ពេលនេះនាងថែមទាំងជាតារាបង្ហាញម៉ូដឱ្យទស្សនាវដ្តីជាច្រើនក្នុងប្រទេសកម្ពុជាទៀតផង ។
បើទោះជាចំណងស្នេហ៍របស់នាង គង់ ចាន់ស្រីមុំ និងបុរសសង្ហាជាប់ Freshie Boy គឹម សីហា បានចាប់ផ្តើមប៉ុន្មានឆ្នាំមកនេះ ជួបព្យុះជួបភ្លៀងធ្វើឱ្យមានការមន្ទិលសង្ស័យថា ពួកគេបានបែកបាក់គ្នាយ៉ាងណាក៏ដោយ ក៏មិនទាន់មានសញ្ញាណាមួយគួរឱ្យជឿទុកចិត្តនោះទេ ដ្បិតអីគង់ ចាន់ស្រីមុំ ត្រូវបានធ្លាយរូបថតឱបថើបគ្នាជាមួយមិត្តប្រុសថ្មីបង្ហោះនៅតាមហ្វេសប៊ុកក៏ដោយ ក៏គូស្នេហ៍ទាំង២នេះបញ្ជាក់ថា ជាការលេងសើចធម្មតា ។ ផ្ទុយទៅវិញអំឡុងពេលស្រឡាញ់គ្នានេះ គង់ ចាន់ស្រីមុំ និងគឹម សីហា ថែមទាំងបានបណ្តាក់ទុនរកស៊ីជាមួយគ្នាទៀតផង ក្នុងជំនួញមួយដែលពួកគេបញ្ចេញត្រឹមថា ជាជំនួញបែបអីុនធើរណេត ៕
