ពិធីបិទបានបង្ហាញពីទិដ្ឋភាពដ៏អស្ចារ្យប្លែកៗ និងសកម្មភាពគួរឱ្យចាប់អារម្មណ៍ ដើម្បីលើកស្ទួយវិស័យកីឡាកម្ពុជា ស្របតាមការអភិរក្សវប្បធម៌។
ថ្លែងក្នុងឱកាសនោះ លោកនាយករដ្ឋមន្ត្រីបានសម្តែងនូវមោទនៈភាពចំពោះព្រឹត្តិការណ៍នេះនិងថ្លែងអំណរគុណចំពោះគណៈកម្មាធិការជាតិអូឡាំពិកកម្ពុជា សហព័ន្ធកីឡាទាំងអស់ ក្រសួងអប់រំ យុវជន និងកីឡា និងកីឡាករ-កីឡាការិនី ដែលបានចូលរួមចំណែកក្នុងភាពជោគជ័យនៃការប្រកួតកីឡាជាតិលើកទី៣ និងកីឡាជាតិប៉ារ៉ាហ្គេមលើកទី១។
ទន្ទឹមនឹងនេះ លោកក៏បានប្រកាសចុះឈ្មោះ និងចូលរួមប្រកួតកីឡាអុកចត្រង្គក្នុងការប្រកួតកីឡាជាតិលើកទី៤នៅឆ្នាំ២០២៤ ផងដែរ។
ក្នុងនោះមានតារាច្រៀងរបស់កម្ពុជា ចំនួនពីរដួង គឺអ្នកនាង ឱក សុគន្ធកញ្ញា នឹងឡើងច្រៀងបទចម្រៀង «រស់ជាខ្លួនឯង» និងតារារ៉េបលោក វណ្ណដា នឹងឡើងច្រៀងបទ «Time To Rise» ផងដែរ ។
